Jai Odisha
News

ଆଜିଠୁ ଏକକ ପିଜି ପ୍ରବେଶିକା ପରୀକ୍ଷା ଆରମ୍ଭ

ଭୁବନେଶ୍ୱର,୨୩ା୬: ୨୦୨୩-୨୪ ଶିକ୍ଷାବର୍ଷରେ ବିଭିନ୍ନ ବିଶ୍ବବିଦ୍ୟାଳୟ ଓ ମହାବିଦ୍ୟାଳୟରେ ସ୍ନାତକୋତ୍ତର (ପିଜି) ପାଠ୍ୟକ୍ରମରେ ନାମଲେଖା ପାଇଁ ଏକକ ପିଜି ପ୍ରବେଶିକା ପରୀକ୍ଷା (ସିପିଇଟି)- ୨୦୨୩ ଆଜିଠାରୁ ଆରମ୍ଭ ହେବ। ଜୁଲାଇ ୪ ତାରିଖ ପର୍ଯ୍ୟନ୍ତ ଏହା ଅନୁଷ୍ଠିତ ହେବ। କେବଳ ଜୁନ୍ ୨୮ ଓ ୩୦ରେ ପ୍ରବେଶିକା ପରୀକ୍ଷା ହେବନି। ପ୍ରବେଶିକା ପାଇଁ ଗତ ମେ’ ମାସ ୧ ତାରିଖରୁ ଆବେଦନ ଆରମ୍ଭ ହୋଇଥିଲା। ମୋଟ୍ ୧୦୬ଟି ଉଚ୍ଚଶିକ୍ଷାନୁଷ୍ଠାନରେ ୨୭ ହଜାର ୩୮୩ ଆସନ ଥିବାବେଳେ ପ୍ରବେଶିକା ପରୀକ୍ଷା ନିମନ୍ତେ ୫୩,୬୪୧ ଛାତ୍ରଛାତ୍ରୀ ସାମ୍ସ ଜରିଆରେ ଅନଲାଇନରେ ଆବେଦନ କରିଛନ୍ତି|ଏକକ ପିଜି ପ୍ରବେଶିକା (ସିପିଇଟି) ପରୀକ୍ଷା ଶୁକ୍ରବାର ଠାରୁ ଆରମ୍ଭ ହେବ। ଜୁନ୍‌ ୨୮ ଓ ୩୦ ତାରିଖକୁ ବାଦ୍‌ ଦେଲେ ଜୁଲାଇ ୪ ପର୍ଯ୍ୟନ୍ତ ୩ଟି ପର୍ଯ୍ୟାୟରେ ଏହି ପରୀକ୍ଷା ହେବ। ୪୯ଟି ବିଷୟରେ ଏହି ପରୀକ୍ଷା ହେବାକୁ ଥିବାବେଳେ ପୂର୍ବାହ୍ନ ୧୦ଟାରୁ ୧୧ଟାରେ ପ୍ରଥମ ପର୍ଯ୍ୟାୟ, ଅପରାହ୍ନ ୧୨.୩୦ରୁ ୧.୩୦ ପର୍ଯ୍ୟନ୍ତ ଦ୍ୱିତୀୟ ପର୍ଯ୍ୟାୟ ଏବଂ ୩ଟାରୁ ୪ଟା ପର୍ଯ୍ୟନ୍ତ ତୃତୀୟ ପର୍ଯ୍ୟାୟ ପରୀକ୍ଷା ଅନୁଷ୍ଠିତ ହେବ। ପ୍ରଥମ ଦିନରେ ଆନ୍ଥ୍ରୋପୋଲୋଜି, ଭୂଗୋଳ, ହିନ୍ଦୀ ଏବଂ ଏମ୍‌ବିଏ ବିଷୟରେ ପରୀକ୍ଷା ହେବ। ଚଳିତବର୍ଷ ରାଜ୍ୟର ୧୦୬ଟି ମହାବିଦ୍ୟାଳୟ ଓ ବିଶ୍ୱବିଦ୍ୟାଳୟର ୨୭ ହଜାର ୩୮୩ଟି ସିଟ୍‌ ପାଇଁ ନାମଲେଖା ହେବ। ତେବେ ସାମ୍‌ସ ପୋର୍ଟାଲ ଅନୁସାରେ ଚଳିତବର୍ଷ ୫୩ ହଜାର ୬୪୧ ଜଣ ଆବେଦନ କରିଛନ୍ତି। ଏସ୍‌ଏସ୍‌ବି ଦ୍ୱାରା ପରୀକ୍ଷା ପରିଚାଳନା ହେବାକୁ ଥିବାବେଳେ ପରୀକ୍ଷାର୍ଥୀମାନେ ରଖିଥିବା ମାର୍କ ସମ୍ପର୍କିତ ତଥ୍ୟ ଜୁଲାଇ ୧୬ରେ ଓକାକ୍‌କୁ ପ୍ରଦାନ କରାଯିବ। ଅନ୍ୟପଟେ ପରୀକ୍ଷାର୍ଥୀମାନେ ଜୁଲାଇ ୮ରୁ ୧୫ ତାରିଖ ମଧ୍ୟରେ ସ୍ନାତକରେ ରଖିଥିବା ମାର୍କ ଅପଡେଟ୍‌ କରିବେ। ପରବର୍ତ୍ତୀ ସମୟରେ ନାମଲେଖା ତାରିଖ ନେଇ ବିଜ୍ଞପ୍ତି ପ୍ରକାଶ ପାଇବ।

Leave A Reply

Your email address will not be published.