Jai Odisha
News

ଆଜିଠୁ ଫାଇଲେରିଆ ବଟିକା ବଣ୍ଟା ଯିବ

ଭୁବନେଶ୍ୱର,୧୦/୦୨: ଆଜିଠୁ ଫାଇଲେରିଆ ବଟିକା ବଣ୍ଟା ଯିବ|ଫାଇଲେରିଆ ନିରାକରଣ ପାଇଁ ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ବିଭାଗ ପକ୍ଷରୁ ମାସ୍‌ ଡ୍ରଗ ଆଡ୍‌ମିନିଷ୍ଟ୍ରେସନ ଅଭିଯାନ ଆଧାରରେ ଗୁରୁବାରଠାରୁ ଫାଇଲେରିଆ ବଟିକା ବଣ୍ଟନ କରାଯିବ । ଓଡ଼ିଶାରେ ଦୁଇଟି ପର୍ଯ୍ୟାୟରେ ଏହି ଅଭିଯାନ ଚାଲୁ ରହିବ । ୧୦ ତାରିଖରୁ ଏହାର ପ୍ରଥମ ପର୍ଯ୍ୟାୟ ଆରମ୍ଭ ହେବା ନେଇ ସୂଚନା ଦେଇଛନ୍ତି ଜନସ୍ୱାସ୍ଥ୍ୟ ନିର୍ଦ୍ଦେଶକ ନିରଞ୍ଜନ ମିଶ୍ର । ସେ କହିଛନ୍ତି ୧୫ଟି ପ୍ରିଭାଲେଣ୍ଟ ଜିଲ୍ଲାରେ ଏହି ଅଭିଯାନ ଆରମ୍ଭ କରାଯିବ । ସେହିସବୁ ଜିଲ୍ଲାରେ ଦୁଇଟି ବଟିକା ଦିଆଯିବ । ଗୋଟିଏ ହେଉଛି ଫାଇଲେରିଆ ମେଡିସିନ ଓ ଅନ୍ୟଟି ହେଲା ଆଲ୍‌ବେଣ୍ଡାଜୋଲ ।  ପ୍ରଥମ ପର୍ଯ୍ୟାୟରେ ଅନୁଗୋଳ, ବାଲେଶ୍ୱର, କଟକ, ଢେଙ୍କାନାଳ, ଗଞ୍ଜାମ, ଝାରସୁଗୁଡା, ନୟାଗଡ଼ ଏବଂ ନୂଆପଡ଼ାରେ ଏହା ଆରମ୍ଭ ହେବାକୁ ଥିବାବେଳେ ଦ୍ୱିତୀୟ ପର୍ଯ୍ୟାୟ ମାର୍ଚ୍ଚ ୭ ତାରିଖରୁ ଆରମ୍ଭ କରାଯିବ । ଏଥିରେ ବରଗଡ଼, କେନ୍ଦୁଝର, କନ୍ଧମାଳ, ମୟୂରଭଞ୍ଜ, ସମ୍ବଲପୁର, ସୋନପୁର ଓ ସୁନ୍ଦରଗଡ଼ ସାମିଲ ରହିଛି । ସ୍ୱାସ୍ଥ୍ୟ କର୍ମୀଙ୍କ ଉପସ୍ଥିତିରେ ସମସ୍ତଙ୍କୁ ବଟିକା ଖାଇବାକୁ ଦିଆଯିବ । ତେବେ ଗର୍ଭବତୀ ମହିଳା, ଅତି ଦୁର୍ବଳ ବ୍ୟକ୍ତି ଓ ଦୁଇ ବର୍ଷରୁ କମ୍‌ ପିଲାଙ୍କୁ ଏହି ମେଡିସିନ ଦିଆଯିବ ନାହିଁ । ଏଥିରେ କୌଣସି ପାଶ୍ୱର୍ ପ୍ରତିକ୍ରିୟା ନଥିବାବେଳେ ସମସ୍ତଙ୍କୁ ଏହି ଔଷଧ ଖାଇବାକୁ ପରାମର୍ଶ ଦିଆଯାଇଛି ।

Leave A Reply

Your email address will not be published.