Jai Odisha
News

ଏମିତି ବି ମୃତ୍ୟୁ ଆସିଥାଏ….

ନୂଆଦିଲ୍ଲୀ:  ହୃଦରୋଗ ବିଶେଷଜ୍ଞ ଡାକ୍ତରଙ୍କର ହୃଦଘାତରେ ମୃତ୍ୟୁ । ଗୁଜୁରାଟ ଜାମନଗରର ଡାକ୍ତର ଗୌରବ ଗାନ୍ଧୀ ଜଣେ ଜଣାଶୁଣା ହୃଦରୋଗ ବିଶେଷଜ୍ଞ । ସେ ପ୍ରତିଦିନ ୫ରୁ ଅଧିକ ଛୋଟ ବଡ ଅସ୍ତ୍ରୋପଚାର କରିଥାଆନ୍ତି । ୪୧ ବର୍ଷ ବୟସରେ ସେ ବେଶ୍‌ ଲୋକପ୍ରିୟ ହୋଇଯାଇଥିଲ । ତାଙ୍କ ଡାକ୍ତରୀ ଜୀବନରେ ୧୬,୦୦୦ରୁ ଅଧିକ ଲୋକଙ୍କର ଅସ୍ତ୍ରୋପଚାର କରିଛନ୍ତି ।  ମଙ୍ଗଳବାରରେ ହୃଦଘାତରେ ଡାକ୍ତର ଗୌରବ ଗାନ୍ଧୀଙ୍କର ମୃତ୍ୟୁ ହୋଇଛି । ସୋମବାର ରାତିରେ ସେ ରୋଗୀମାନଙ୍କୁ ଦେଖିବା ପରେ ଜାମନଗରରେ ଥିବା ଘରକୁ ଫେରିଥିଲେ । ରାତିରେ ସେ ଖାଇପିଇ ଆରାମରେ ଶୋଇବା ପାଇଁ ଯାଇଥିଲେ । ତାଙ୍କ ନିକଟରେ ହୃଦରୋଗର କୌଣସି ଲକ୍ଷଣ ନଥିଲା । ମାତ୍ର ମଙ୍ଗଳବାର ସକାଳ ୬ଟାରେ ପରିବାର ଲୋକ ତାଙ୍କୁ ନିଦରୁ ଉଠାଇଥିଲେ । ତାଙ୍କର ଚେତା ନଥିବା କଥା ଜାଣିବା ପରେ ତୁରନ୍ତ ଡାକ୍ତରଖାନାରେ ଭର୍ତ୍ତି କରିଥିଲେ । ଡାକ୍ତରଖାନାରେ ପହଞ୍ଚିବା ମାତ୍ରେ ତାଙ୍କର ଚିକିତ୍ସା ଆରମ୍ଭ କରାଯାଇଥିଲା । ମାତ୍ର କିଛି ସମୟଭିତରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ପରେ ଶବ ବ୍ୟବଚ୍ଛେଦରୁ ହୃଦଘାତରେ ତାଙ୍କର ମୃତ୍ୟୁ ହୋଇଥିବା କଥା ଜଣା ପଡିଥିଲା ।

Leave A Reply

Your email address will not be published.