Jai Odisha
News

ମଣିପୁର ହିଂସା :‘ଖାଦ୍ୟ ପାନୀୟ ବିନା ଡହଳ ବିକଳ ହେଉଛନ୍ତି ଶିଶୁ’

ନୂଆଦିଲ୍ଲୀ,୩୦।୭: ବିରୋଧୀ ଇ-ଣ୍ଡି-ଆ ମେଣ୍ଟର ୨୧ ଜଣ ସାଂସଦ ଏବେ ୨ ଦିନିଆ ମଣିପୁର ଗସ୍ତରେ ଯାଇଥିଲେ। ମଣିପୁର ହିଂସାକୁ ନେଇ ପାର୍ଲାମେଣ୍ଟରୁ ରାଜରାସ୍ତା ପର୍ଯ୍ୟନ୍ତ ସବୁଠି ଏହାକୁ ନେଇ ଚର୍ଚ୍ଚା କରାଯାଉଛି। ଶନିବାର ବିରୋଧୀ ମେଣ୍ଟ ‘ଇଣ୍ଡିଆ’ର ଏକ ପ୍ରତିନିଧି ମଣ୍ଡଳ ମଣିପୁର ଗସ୍ତରେ ଯାଇଥିଲେ। ଏବେ ଏହି ପ୍ରତିନିଧି ମଣ୍ଡଳ ନେତାଙ୍କ ବୟାନ ସାମ୍ନାକୁ ଆସିଛି। କଂଗ୍ରେସ ଏମପି ଅଧିର ରଞ୍ଜନ ଚୌଧୁରୀ, ଆରଜେଡି ଏମପି ମନୋଜ ଝା ଓ ଟିଏମସି ଏମପି ସୁସ୍ମିତ ଦେବ ନିଜ ନିଜର ପ୍ରତିକ୍ରିୟା ଦେଇଛନ୍ତି। ରାଜ୍ୟପାଳଙ୍କୁ ଭେଟିବା ପରେ ବିରୋଧୀ ଏମପିମାନେ କହିଛନ୍ତି ଯେ ସେମାନେ ପାର୍ଲାମେଣ୍ଟରେ ସରକାରଙ୍କ ଉପରେ ଚାପ ପକାଇବେ। ଏକ ସର୍ବଦଳୀୟ ବୈଠକ ଡାକିବାକୁ ଦାବି କରି ମଣିପୁର ସମସ୍ୟାର ସମାଧାନ ହେବା ଉଚିତ ବୋଲି ଏମାନେ କହିଛନ୍ତି। ସେଠାରେ ଏକ ପାର୍ଟି ସଭା ହେବା ଉଚିତ ଏବଂ ସମସ୍ତେ ମଣିପୁର ସମ୍ବନ୍ଧରେ ଏକଜୁଟ ହେବା ଉଚିତ। ଭ୍ୟାଲିର ଲୋକମାନେ ପାହାଡକୁ ଯାଉ ନାହାଁନ୍ତି ଏବଂ ପାହାଡର ଲୋକମାନେ ଭ୍ୟାଲିକୁ ଆସିବାକୁ ସକ୍ଷମ ନୁହଁନ୍ତି। ଆଗାମୀ ଦିନରେ ମଣିପୁର ସମସ୍ୟାର ସମାଧାନ ପାଇଁ ସେମାନେ ସରକାରଙ୍କ ଉପରେ ଚାପ ପକାଇବେ ବୋଲି ଏମପିମାନେ କହିଛନ୍ତି। ପାର୍ଲାମେଣ୍ଟରେ ଏହି ପ୍ରସଙ୍ଗ ଉପସ୍ଥାପନ କରାଯିବ। ମଣିପୁରର ଅବସ୍ଥା ଉପରେ ଆଲୋଚନା ହେବା ଉଚିତ। ଦେଶ ଭିତରେ ଅସୁରକ୍ଷିତତା ସୃଷ୍ଟି ହେଉଛି। ଆମେ ରାଜ୍ୟପାଳଙ୍କ ନିକଟରେ ଏକ ସ୍ମାରକପତ୍ର ଦାଖଲ କରିଛୁ।

Leave A Reply

Your email address will not be published.