Jai Odisha
News

ଜଙ୍ଗଲ ନିଆଁ ଲିଭାଇବାକୁ ସହଯୋଗର ହାତ ବଢ଼ାଇଛନ୍ତି ଗ୍ରାମବାସୀ

ଜଳୁଛି ଜଙ୍ଗଲ । ଏକର ଏକର ଜଙ୍ଗଲରେ ଲାଗିଛି ନିଆଁ । କି ଦିନ କି ରାତି ନିଆଁ ଲିଭିବାର ନାଁ ନେଉନି, ଆଉ ମଝିରେ ମଝିରେ ବହୁଥିବା ପବନ ନିଆଁକୁ ଆହୁରି ଇନ୍ଧନ ଯୋଗାଉଛି । ଶିମିଳିପାଳର ପିଠାବଟ ବନଖଣ୍ଡର ସୁରକ୍ଷା ପାଇଁ ସ୍ଥାନୀୟ ଗ୍ରାମବାସୀ ସହଯୋଗର ହାତ ବଢ଼ାଇଛନ୍ତି। ଗ୍ରାମବାସୀଙ୍କ ସହଯୋଗ ଏବଂ ଓଡ୍ରାଫ୍ ଟିମର ମିଳିତ ସହଯୋଗରେ ଶିମିଳିପାଳକୁ ବନାଗ୍ନିରୁ ସୁରକ୍ଷା ଦିଆଯାଇ ପାରିବ ବୋଲି ପ୍ରଧାନ ମୁଖ୍ୟ ବନ୍ୟପ୍ରାଣୀ ସଂରକ୍ଷକ ଡ. ସୁଶାନ୍ତ ନନ୍ଦ କହିଛନ୍ତି। ଡ. ନନ୍ଦଙ୍କ ସୂଚନା ଅନୁଯାୟୀ, ଗତ ୫ବର୍ଷ ମଧ୍ୟରେ ଚଳିତବର୍ଷ ସର୍ବାଧିକ ଅପ୍ରତ୍ୟାଶିତ ଗ୍ରୀଷ୍ମପ୍ରବାହ ଅନୁଭୂତ ହୋଇଛି। ଗତ ୫ବର୍ଷ ମଧ୍ୟରେ ଏହି ସମୟ ମଧ୍ୟରେ ୫୫୫୨ଟି ବନାଗ୍ନି ଚିହ୍ନଟ ହୋଇଛି। ୨୦୨୧ ଜାନୁଆରୀ ପହିଲାରୁ ଏପ୍ରିଲ ୨୭ ମଧ୍ୟରେ ସର୍ବାଧିକ ୨୮୬୧ଟି ବନାଗ୍ନି ଅନୁଭୂତ ହୋଇଥିବାବେଳେ ୨୦୨୩ରେ ୧୪୫୬, ୨୦୨୦ରେ ୫୯୯, ୨୦୨୨ରେ ୩୧୯ ଏବଂ ଚଳିତବର୍ଷ ଏହି ଅବଧି ମଧ୍ୟରେ ୩୧୮ଟି ବନାଗ୍ନି ଦେଖାଦେଇଛି। ଚଳିତବର୍ଷର ଏହି ରୌଦ୍ରତାପକୁ ମୁକାବିଲା କରିବା ଲାଗି ଶିମିଳିପାଳରେ ୨୭୩ଟି ଜନସଚେତନତା କାର୍ଯ୍ୟକ୍ରମ କରାଯାଇଛି। ଏହାସହିତ ୩୦ଟି ଶିବିର କରାଯିବା ସାଙ୍ଗକୁ ୨୨ଟି ସ୍ବତନ୍ତ୍ର ଭ୍ରାମ୍ୟମାଣ ଗାଡ଼ି(ରେଞ୍ଜ) ମୁତୟନ କରାଯାଇଛି।

ଏହାବାଦ୍ ବନାଗ୍ନି ଅଞ୍ଚଳ ତ୍ବରିତ ଚିହ୍ନଟ କରିବା ଲାଗି ୨୧୭ଟି ଭିଏଚଏଫ୍ ଯୋଗାଇ ଦିଆଯିବା ସହିତ ୯୭୫ଟି ଫ୍ଲାସ ଲାଇଟ୍(ଟର୍ଚ୍ଚ), ୭୦୬ଟି ଭିଏଚଏଫ୍ ସେଟ୍, ୨୦ଟି ଅଗ୍ନିଶମ ଗାଡ଼ି, ୪୬୦ଟି ଅଗ୍ନି ନିର୍ବାପକ ଯନ୍ତ୍ର ଓ ୨୫୫ ପିପିଇ କିଟ୍ ଯୋଗାଇ ଦିଆଯାଇଛି। ଏହାସହିତ ତ୍ବରିତ ରେସପନ୍ସ ପାଇବା ପାଇଁ ଭିସାଟ୍‌ର ସହାୟତା ଲାଗି ୧୭ଟି ଷ୍ଟେସନ କରାଯାଇଛି।

Leave A Reply

Your email address will not be published.